Hvað er traust?

Hvað er traust:

Öryggi
Treysta sjálfum sér og öðrum í samskiptum
Sjálfstraust
Traust milli einstaklinga
Að halda loforð
Treysta öðrum fyrir hlutum
Samkvæmni
Þagmælska
Traust á fagmennsku/þekkingu
Traust grundvallast á samskiptum

 Ást og traust eru tveir mjög ólíkir hlutir. Ástin er frjáls, hún er ósýnileg, hún er gefin. Traust er ekki gefið eða ósýnilegt fyrirbæri. Traust er áunnið, það er byggt á aðgerðum og mælanlegri framkomu. Traust kemur ekki bara af því að þú ert ákveðin persóna eða á ákveðnum aldri. Þegar sagt er að traust sé áunnið þá er átt við að traust vaxi manna á meðal og undirstaðan sé hvernig það kemur fram við hvert annað. Vinir sem treysta hvor öðrum eru heiðarlegir við hvorn annan og tala oft saman.
Vinir virða hvern annan og ákveða hlutina í sameiningu.
Vinir finna milliveginn þegar þeir eru ósammála.
Vinir notfæra sér ekki hvorn annan.
Vinir ljúga ekki og framkvæma ekki hluti á bak við hvern annan.
Vinir eru til staðar þegar þú þarft á þeim að halda.
Vinir vinna sér inn traust með framkomu og hvernig þeir koma fram við hvern annan.
Traust er eitthvað sem þú þarf endalaust að vera að vinna þér inn 

Skyldi það vera að traust sé á undanhaldi í menningu okkar? Ef svo er hvar í menningu okkar og hvenær skyldi það vera? Við fyrstu sýn virðist það ekki vera reyndin ef horft er til þess að þjóðfélagið er opnara en fyrir nokkrum áratugum síðan. Hægt er að spyrja – er það ekki gott dæmi um traust – í dag er ekki óalgengt að einstaklingur segi frá sér og sínum einkahögum í opinskáu tímarritsviðtali og eða í á einhverjum ljósvakamiðlinum. Viðkomandi einstaklingur treystir alþjóð fyrir sínum innstu persónulegu málum. Stundum er það svo að það er allt að því óþægilegt aflsestrar og eða áheyrnar. Er það ekki dæmi um traust. Raunin er sú í dag að ef þú vilt vita eitthvað um náungan er minnsta mál að fletta upp á því í einhverjum að þeim fjölmörgu gagnageymslum sem er að finna á netinu.

Hugtakið traust hefur farið í “andlitslyftingu.” Ásjóna hennar er öll önnur en hér áður fyrr þegar fólk treysti fáum nema sinni allra nánustu fjölskyldu eða vinum fyrir sínum málum. Í dag er ekki málið að anda ofaní hálsmálið á náunganum og náunginn lætur sig það ekki varða.
Við fyrstu sýn virðist sem að ungt fólk í dag vera fúsara að opinbera sig og sitt fyrir hverjum þeim sem hefur nennu til að lesa og að ekki sé talað um að horfa á í sjónvarpi og eða hlusta á í útvarpi um tilfinngar og hagi einstaklingsins. Í daglegu tali er talað um þær manneskjur sem leggja sig við að opinbera sig og sitt – að þær séu haldnar athyglissýki. Sumum þykir voða smart að viðurkenna fyrir alþjóð að hann eða hún sé haldin þessari sýki og virðast þannig vera að afsaka þessi og hin “fíflalætin.”

Í orðabók menningarsjóðs er orðið “traust” skilgreint meðal annars – “það að treysta” “sem má treysta.” Traust er ekki eitthvað sem við fáum í hendurnar og síðan vinnum við ekkert meira með það. Traust er ekki eitthvað sem dettur af himnum ofan og skellur á hvirfil okkar og borar sig þar í gegn þar til það hefur náð að koma sér fyrir í vitund okkar. Við ávinnum okkur traust með orðum og verkum. Að vera treyst að finna til trausts, að vera traustsins verð er hverju okkar mikilvægt. Traust til að byrja með til “smárra” verka sem síðan stækka eftir því sem við eldumst.  Traust á yfirvöldum byggist ekki síst á sanngirni í samskiptum þeirra við borgarana og jafnræði meðal þeirra.  “Traust er gott” á Lenín að hafa sagt en síðan bætt við: “en eftirlit er betra” (og setti upp sína Tsjeku)

Traust er tilfinning annarrar manneskju fyrir því að við séum nálæg henni, virðum hana, viljum henni vel og munum ekki niðurlægja hana, baktala eða valda henni minnkun á nokkurn hátt. Það er einkum tvennt sem traust byggir á. Annars vegar aragrúi líkamlegra og persónulegra og menningarlegra tákna sem við berum og hafa merkingu fyrir viðmælendur okkar. Hins vegar endurtekin reynsla af því að okkur sé treystandi eða vitneskja um að við höfum reynst öðrum vel.

 

Líkaminn segir til um hvort við tökum eða höfnum manneskju og ásamt andliti og hljómfalli tals eða blæ raddarinnar opinberar líkaminn tilfinningar okkar í garð hennar. Það breytir engu hvað við segjum, ef munnlegu skilaboðin eru í ósamræmi við hin líkamlegu og menningarlegu. Verið því vakandi fyrir ógnandi skilaboðum sem þið kunnið að senda með líkamanum og tónfalli raddarinnar.

 

Traust er einhuga ásetningur. Traust er hugrekki. Traust er von. Traust er innri víðátta og náð.

 

Fyrirgefning og traust er ekki sami hluturinn. Þú getur fyrirgefið strax, en það tekur tíma að treysta á ný þegar trúnaður hefur verið brotinn.

  

Gullkorn

Gakktu með gát í þessum hraða og hávaðasama heimi og mundu hvaða frið þú getur fundið í þöginni.

Til minningar um Mæju ástkæran vinnufélaga sem lést í gær.

Ég er gull og gersemi
geimsteinn elskuríkur
Ég er djásn og dýrmæti
Drottni sjálfum líkur

 Sölvi Helgason

Opinn fyrirlestur og umræður um samfélagssýn og gildi Thomas Jefferson höfundar sjálfstæðisyfirlýsingar Bandaríkjanna:

  "Thomas Jefferson Today"

Með þessu bréfi viljum við bjóða þér nk. laugardag kl. 11- ca. 13.00 á fyrirlestur Eric Petersen um samfélagssýn og gildi Thomas Jeffersons, þriðja forseta Bandaríkjanna  og höfund sjálfstæðisyfirlýsingar Bandaríkjanna.

Fyrirlesturinn ber yfirskriftina"Thomas Jefferson Today". Í aðdraganda forsetakosninganna í Ameríku er áhugavert að fjalla um sýn Thomas Jeffersons, höfundar sjálfstæðisyfirlýsingar Bandaríkjanna,  á lýðræði, umburðarlyndi og mannréttindi og leitast við að svara þeirri spurningu hvort og hvernig sýn hans eigi erindi við okkar samtíma.

Fyrirlesturinn, sem er öllum opinn,  fer fram í Odda, Háskóla Íslands, stofu 101. Fundinum stýrir dr. Herdís Þorgeirsdóttir prófessor. Að loknum fyrirlestrinum mun Eric Peterson, Herdís, Jón Baldvin Hannibalsson fv. utanríkisráðherra ofl. ræða hugmyndaarfleifð Thomas Jefferson, auk þess sem fyrirlesarinn mun svara fyrirspurnum.

Thomas Jefferson er álitinn einn merkasti hugsuður Bandaríkjanna um þjóðfélagsmál ogskoðanir hans eiga að margra mati fullt erindi inn í samtímann. Fræg eru ummæli  John F. Kennedys þegar hann tók á móti hópi Nóbelsverðlaunahafa í  kvöldverðarboð í Hvíta Húsinu þar sem hann sagði: "Ég held að það hafi ekki verið meira mannvit hér saman komið, síðan Thomas Jefferson borðaðihér einn"

Fyrirlesarinn Eric Petersen er lögfræðingur og hann varði yfir 10 árum í að fara yfir ræður, skjöl og meira en 20.000 bréf Thomas Jeffersons áður en hann tók saman bókina "Light and Liberty, Reflections on the Pursuit of Happiness" þar sem hugsun Jefferson er sett fram með orðum hans sjálfs. Þessi bók hefur fengið einkar góðar viðtökur og  einróma lof gagnrýnenda.  Erik Petersen hefur á liðnum árum haldið fjölda fyrirlestra um Jefferson og efni bókar sinnar.

Á undan fyrirlestrinum bjóðum við upp á kaffi ogmeðlæti í anddyri Odda frá kl. 10.30.

Við vonum að þú sjáir þér fært að mæta.

Með góðri kveðju,

Hópur áhugafólks um Thomas Jefferson,

Stofnun stjórnsýslufræða og stjórnmála við Háskóla Íslands,

Sendiráð Bandaríkjanna á Íslandi.

Fyrirlestur um Thomas Jefferson í Háskóla Íslands, Odda, sal 101 13.sept. frá 11 - 12.30

Eric S. Petersen sem hefur gefið út bók um lífsspeki Thomasar Jeffersonar, sem án nokkurs vafa er einhver merkilegasti og virtasti maður sem komið hefur frá BNA. 

John F. Kennedy hélt veislu í Hvíta húsinu fyrir alla þá lifandi Nóbelsverlaunahafa heimsins og sagði í ræðu við það tilefni að aldrei áður hafi verið samankomið eins mikið mannvit á einum stað í heiminum, nema ef vera skyldi þegar Jefferson sat hér einn að snæðingi.

Jefferson svaraði 20.000 bréfum með spurningum sem voru send til hans sem hann svaraði öllum.  Þar sem hann var uppfinningamaður þá hafði hann hannað skrifara sem hann festi við hendina á sér sem tók afrit af svarbréfunum, þess vegna varðveittist lífsspeki hans og er Petersen búinn að lesa öll þessi bréf og draga saman kjarna þeirra í skemmtilega aðgengilega bók sem hann gaf út 2005.

Eric S. Petersen er lögfræðingur að mennt, á og rekur lögmannstofu í New York og hefur kynnt sér líf og starf Jeffersons síðan 1993.

Fyrirlesturinn er öllum opinn og er í boði Háskóla Íslands, Bandaríska sendiráðsins og áhugamanna um Jefferson.

Fíkniefnahundarnir gera ekki manna mun.

Eins gott að hafa hunda við eftirlit, hverjum gæti dottið annað eins í hug.  Ef eldriborgarar fara í ferðalög erlendis er oftast eitthvað annað í þeirra huga en að eitra fyrir æsku landsins.

Síðast þegar ég var á ferðinni frá danmörku með alla fjölskylduna var kíkt í töskurnar hjá mér, ég var frekar hissa, en gott að vita af eftirlitinu.

Gæsluvarðhald vegna fíkniefna

Klukkuð..

Humm.. langar einhvern virkilega að vita þetta?

Fjögur störf sem ég hef unnið um Ævina

0 Kokkur á netabát frá Grindavík 
0 Afleysingaþjónusta bænda, bar áburð, plægði flög, mjólkaði kýr og fl.
0 Vann við kostningaeftirlit hjá Sjálfstæðisflokknum

0 Þjálfaði börn í frjálsum íþróttum hjá ungmannafélagi Austur Eyfellinga

Fjórar Bíómyndir sem ég held upp á

0 Mamma mía
0 Star Trek

0 Lord of the rings
0 Með allt á hreinu

Fjórir staðir sem ég hef búið á

0 Yzta-bæli, A-Eyjafjöllum
0 Ísafirði
0 Hellissandi
0 Reykjavík

Fjórir sjónvarpsþættir sem mér líkar

0 Fréttir á öllum stöðvum
0 Ísland í dag
0 Kastljós
0 CSI

Fjórir staðir sem ég hef heimsótt í fríium

0 Kaupmannahöfn
0 London
0 Snæfellsnes
0 Skaftafell

Fjórar síður sem ég skoða daglega fyrir utan blogg

0 mbl
0 visir
0 gmail.com
0 google.com

Fernt sem ég held upp á matarkyns

0 grænn drykkur úr spínati, bönunum, engiferrót og sítrónu
0 avacado, lime, hvítlaukur, tómatar og krydd 
0 mango, mjúkt og dásamlega þroskað
0 kókossúpa úr ungri kókóshnetu

Fjórar bækur sem ég hef lesið oft

0 Máttur bænarinnar, Norman Vincent peale
0 Haf i dropa, Sigvaldi Hjálmarsson
0 Oriental Rugs, A buyer's guide, Lee Allane
0 Oriental Rugs Symbols, John Train

Fjórir bloggara sem ég klukka

0 Ásdís Ómars
0 Agný
0 Magga Dóra

0 Kokkurinn Guðjón H Finnbogason