Gleðilegt sumar, þegar frýs saman sumar og vetur segir þjóðtrúin.

Um leið og ég óska bloggvinum gleðilegs sumars og þakkar jákvæð og gefandi samskipti á liðnum vetri, þá langar mig að deila með ykkur því sem mér var sagt í æsku um hvað það táknar þegar frýs saman sumar og vetur.

Þá verður sumarið betra undir bú.  Það er ekki í þeirri merkingu að sumarið verði hlýrra en önnur sumur.  Þegar sumar og vetur frýs saman þá fer nýgræðingurinn seinna af stað og er til staðar þegar ærnar bera á vorinn.  Ærnar elta svo nýgræðinginn upp eftir fjallinu og ná þannig næringa besta grasinu langt fram á sumar.  Nytin úr þeim verður feitari og meiri allt sumarið, en bændur nýttu hana, gerðu úr henni skyr og smjör sem var geymt til vetrar.  Nú verða lömbin feitari og stærri þegar þeim er slagtað að hausti.

Vor í lofti

Athugasemdir

[Jón Þór Benediktsson, 24.4.2008 kl. 07:49]

semsagt loksins almennilegt grillkjöt? Gleðilegt sumar

[Ester Sveinbjarnardóttir, 24.4.2008 kl. 07:57]

Já það er nokkuð ljóst að fé verður vænt í haust og tilhlökkun að skella á sneið á grillið.

[Georg Eiður Arnarson, 24.4.2008 kl. 10:19]

En HANN kom um síðustu helgi   . Gleðilegt sumar .

[Margrét St Hafsteinsdóttir, 24.4.2008 kl. 13:49]

Gleðilegt sumar Ester og takk fyrir bloggveturinn!

[Guðný Einarsdóttir, 24.4.2008 kl. 14:32]

Gleðilsgt sumar Ester mín,allveg sammála því að það sé  komið gott af vetri...Fórstu í stuttaran og hlaupaskóna

[Sunna Dóra Möller, 24.4.2008 kl. 17:14]

Gleðilegt sumar

[Anna Ólafsdóttir Björnsson, 24.4.2008 kl. 18:48]

Takk fyrir viðbótarfróðleik um hvers vegna það á að vera lukka að sumar og vetur frjósi saman. Vissi ekki hvort ég átti að vera áhyggjufull vegna þess að sumar og vetur frusu ekki saman. Það er spáð næturfrosti um helgina, þannig að það dugar kannski bara miðað við þín rök.

[Guðrún María Óskarsdóttir., 25.4.2008 kl. 00:36]

Gleðilegt sumar Ester og takk fyrir veturinn.

kv.

[Brjánn Guðjónsson, 25.4.2008 kl. 14:30]

nákvæmlega. þetta vissu forfeðurnir, að feitu lömbin og rjóminn eru toppurinn.

ekki þetta finusnauða ástand sem ríkir í dag. feitu og góðu lömbin barasta sett í O-flokk.

eigðu gleðilegt sumar

[Ásdís Sigurðardóttir, 25.4.2008 kl. 17:03]

Gleðilegt sumar mín kæra og takk fyrir öll gullkornin í vetur, eigðu ljúfa helgi