Lifðu lífinu eins og þú eigir bara þennan eina dag eftir

Ef Ástþór býður sig aftur fram til forseta þá er hann gróflega að misnota lýðræðið, ég vona svo sannarlega að hann geri það ekki. Við eigum frekar að láta kostnað vegna forsetakjörs renna til aðstoðar ungmenna sem eiga við fíkniefnavandamál að stríða.

Ástþór kærir Þórunni

Athugasemdir

[Guðný Einarsdóttir, 15.1.2008 kl. 17:14]

Ætlar þessi jólasveinn ekki að gefa kost á sér eins og venjulega

[Ásdís Sigurðardóttir, 15.1.2008 kl. 23:08]

Tek undir þetta.

[Guðrún María Óskarsdóttir., 16.1.2008 kl. 00:21]

Sæl Ester.

Rétt eins og við viljum hafa lýðræðið , verðum við að una því og Ástþór eins og aðrir hafa rétt á því að bjóða sig fram.

Aðstoð til handa ungmennum í fíkniefnavanda þarf að vera til staðar sem hluti af fjárlögum í verkefnið óháð forsetakosningum.

kv.Gunna.

[Anna Ólafsdóttir Björnsson, 16.1.2008 kl. 13:40]

Þótt framboð Ástþórs muni pirra marga þá sé ég ekki lausn sem brýtur ekki á lýðræðislegum rétti annarra til að bjóða sig fram. Hins vegar þyrfti að íhuga fjölda meðmælenda, þótt það myndi kannski ekki gagnast í tilviki Ástþórs. Og fjárfralög til unglinga í fíkniefnavanda eru svo sannarlega betri meðferð á fjármunum, um það getum við verið sammála, en þetta lýðræði okkar er bara svo vandmeðfarið og dýrmætt, þótt ég sé yfirleitt sammála því sem þú segir, þá sé ég ekki lausn í þessu máli. En mikið lifandi, skelfingar ósköp vona ég að hann bjóði sig ekki fram.