Kveikja kvenfélagsins

Kveikja kvenfélagsins

var konunnar leyndaþrá,

metnaður morgundagsins

að mega takast hér á

við torsóttar þrautir og þora,

að þræða hinn grýtta mel.

Glíman um gæfu vora

getur því endað vel.

Visku sýndu í vanda

vertu í engu hálf.

Máttugir margir standa,

mundu að vera þú sjálf.

 

Skopið um skoðanir kvenna

skyggir á líf þeirra enn

og viljinn að viðurkenna

að vitaskuld eru þær menn.

Kona hvað ertu kona

kroppur eða hefurðu sál.

Seiglu að sigra og vona,

sýn til að leysa hvert mál,

er horfir til heilla og vekja

hvern vilja er áður svaf,

til dáða og deyfðina hrekja

og dásvefninn hrista þeim af.

          Eygló Markúsdóttir

Athugasemdir

[Jenný Anna Baldursdóttir, 19.6.2007 kl. 13:25]

Til hamingju með 19. júní kæra bloggvinkona!