Viltu vinur vera?

Þungi og þrautir lamar,
þrek og geð.
Fáu treystir framar,
firna lítið peð.

Vinur er vill mig bera,
vernda í heimi hér
Á stundum slíkum gera,
sátt er hentar mér.

Athugasemdir

[Georg Eiður Arnarson, 22.3.2007 kl. 14:29]

Vinir

[Ásdís Sigurðardóttir, 22.3.2007 kl. 21:04]

Fyrirgefðu að ég spyr þig Ester, en hvers son var hann Óskar þinn og hvaða ár var hann fæddur. Ég man eftir honum í den fyrir norðan, ég er Húsvíkingur. Ég var líka gift Óskari, ættuðum úr Mývatnssveit, systursonur Starra í Garði, Óskar minn dó 1982 af slysförum.

[Ester Sveinbjarnardóttir, 22.3.2007 kl. 22:17]

Sæl Ásdís.  Ég man eftir að hafa séð þig áður.  Óskar var sonur Jóns Sveinbjörns Óskarssonar og Önnu Sigríðar Gunnarsdóttur.  Hann átti yngri bræður Gunnar, Harald, Davíð og Einar.  Ég gaf út bækling til að hjálpa fólki sem lendir í sorg ef þú hefur áhuga getur þú skoðað hann hér.

Alltaf sviplegt þegar ungt fólk fer af slysförum. 

[Guðrún María Óskarsdóttir., 23.3.2007 kl. 02:42]

Fallega ort Ester.

Gott að þú linkar á bæklinginn okkar, ég er svo mikill klaufi að linka.

kv.gmaria.

[Ester Sveinbjarnardóttir, 23.3.2007 kl. 02:55]

Takk Gunna mín bæklingurinn okkar er alltaf í fullu gildi.  Þú ferð inn á síðuna mína eða á doktor.is og finnur bæklinginn (ég nota alltaf mína síðu vegna þess að þeir á doktor.is eru búnir að loka fyrir útprentun á bæklingnum), coperar linkinn velur síðan orð í blogginu þínu þar sem þú vilt að hægt sé að sækja linkinn og velur tengill, þá kemur upp gluggi þar sem þú vistar linkinn sem þú afritaðir, þá er það komið.  Þú getur hringt í mig og ég get leitt þig í gegnum þetta.   Einfalt þegar maður kann, eins og með allt annað.

[Sigfús Sigurþórsson., 23.3.2007 kl. 08:11]