Gullkorn í ljóði

Vinur minn, lifðu sem lengst,
lifðu til frægðar og sóma.
Allt sem er göfugt og gott,
gleðjist og hryggist með þér.

Sig. Júl. Jóhannesson

Gullkorn

Ef maður ætlar sér að fá hluti sem maður hefur aldrei fengið áður, þá verður maður að gera hluti sem maður hefur aldrei gert áður.

Gullkorn í ljóði

Ytra skart þó eigir fátt
ógna ei svartar nætur,
vonir bjartar ef þú átt
innst við hjartarætur.

Ragnar Ásgeirsson.

Gullkorn í ljóði

Að þér hlúi hamingjan,
harmagrúi enginn saki,
ást, von, trú og ánægjan
aldrei snúi við þér baki.

Sveinn frá Ellivogum

Gullkorn

Betri er smá skítur í hornum en hreint helvíti.
höf. ókunnur

Speki Cherokee indjána.

Kvöld eitt, sagði gamall Cherokee indjáni barnabarni sínu, ungum dreng, frá baráttu sem á sér stað innra með fólki. Hann sagði: "Sonur minn, baráttan er á milli tveggja "úlfa" innra með okkur öllum.

ANNAR ER ILLUR. Það er reiði, öfund, afbrýðissemi, böl, eftirsjá, græðgi, hroki, sjálfsmeðaumkvun, sekt, gremja, minnimáttarkennd, lygar, falskt stolt og að vera fullur af yfirlæti og egói.

HINN ER GÓÐUR. Það er gleði, friður, ást, von, rósemi, auðmýkt, góðvild, góðfýsi, hluttekning, örlæti, sannleikur, samúð og trú." Drengurinn hugsaði um þetta nokkra stund og spurði síðan afa sinn: Hvor úlfurinn vinnur?" Gamli maðurinn svaraði, einfaldlega:

"SÁ SEM ÞÚ NÆRIR."

 

Gullkorn

Við vorum að klifra þetta fjall og það voru tvær leiðir í dag. Önnur var *bíb* og hin var upp...Það voru allir í fílingnum, ekkert að hugsa um hvort við myndum vinna eða *bíb* skiluru.

Ólafur Stefánsson, landsliðsmaður í hanbolta

Gullkorn

Tíminn er enginn hraðbraut milli vöggu og grafar heldur staður til að fá sér sæti í sólskininu.

Gullkorn

Ef við deyjum á vellinum, þá deyjum við lifandi.

Ólafur Stefánsson, landsliðsmaður í handbolta.

Gullkorn

Ég þekki gildi vináttunnar. Hún er ágæt í meðbyr en ómetanleg í mótbyr.